पूर्वपश्चिम राजमार्ग अन्तर्गत सिरहाको गोलबजार(८ चोहर्वामा ट्रकको ठक्करबाट बस पल्टिदा बसमा सवार ३० जना घाइते भएका छन् ।पूर्वबाट पश्चिमतर्फ आइरहेको प्रदेश १–०५००१ ख ००२९ ट्रकले ना ७ ख ४९८१ नम्बरको बसलाई सोही दिशाबाट आइरहेको ट्रक अनियन्त्रित भइ पछाडिबाट ठक्कर दिँदा बसमा सवार ३० जना घाइते भएका हुन् ।
घाइतेको स्थानीय स्वास्थ्य संस्थामा उपचार भइरहेको इलाका प्रहरी कार्यालय गोलबजारका प्रहरी निरिक्षक राजु केसीले जानकारी दिए । गम्भीर घाइते तीन जनालाई विराटनगर पठाइएको छ ।
यो पनि: सरिताले यशोब्रह्मा माविमा स्थापना गरिन् अक्षयकोष- लमजुङको बेसीशहर नगरपालिका-८ सेरा घर भई हाल अमेरिकामा बस्दै आएकी सरिता घिमिरेले विद्यालयमा अक्षयकोष स्थापना गरेकी छन् । ७५ वर्षीया सरीताले आफ्नो नाममा बेसीशहर नगरपालिका-३ मा रहेको यशोब्रह्मा माध्यमिक विद्यालयमा १ लाख १५ हजार ५ रुपैयाँको सरिता घिमिरे अक्षयकोष स्थापना गरेकी हुन् ।
विद्यालयमा आयोजना गरिएको एक कार्यक्रमका बीच उनले विद्यालय व्यवस्थापन समितिका अध्यक्ष श्रीकान्त घिमिरेलाई रकम हस्तान्तरण गरिन् । सो रकमबाट प्राप्त व्याजबाट विद्यालयको वार्षिकोत्सवमा विद्यार्थीलाई छात्रवृत्ति तथा शैक्षिक सामग्री वितरण गरिने विद्यालयका प्रअ सूर्यप्रसाद बरालले बताए । विद्यालयका बालबालिकालाई स्टेसनरी सामग्रीका साथै खाजा समेत वितरण गरेकी छन् ।