एक वेश्यावृत्तिबारे सत्य थाहा पाएर प्रहरी पनि छक्क परेको ।भारत, दिल्ली पलवलको स्पा सेन्टरमा वेश्यावृत्ति भइरहेको आरोपमा प्रहरीले पक्राउ गरेका २२ युवतीसहित ५६ मध्ये ५२ जनालाई अदालतले धरौटीमा रिहा गरेको हो ।
कोरोना रिपोर्ट पोजेटिभ आएपछि एक युवतीसहित चार जनालाई स्वास्थ्य विभागको निगरानीमा राखिएको छ ।अदालतले उनीहरुको जमानतबारे अझै विचार गरिरहेको छ। सहरका स्पा सेन्टर विरुद्ध जिल्ला प्रहरीले पहिलो पटक गरेको यति ठूलो कारवाहीपछि दिनभर नगरमा मात्र नभई जिल्लाभर चर्चा भएको थियो ।किनभने स्पा सेन्टरबाट पक्राउ परेका अधिकांश युवती फरक–फरक सेन्टरका थिए । दिनभरि क्याम्प प्रहरी चौकीमा पक्राउ परेका महिलाका परिवार र उनीहरूसँगै पक्राउ परेका पुरुष आउने क्रम जारी छ ।
प्रहरीले यति ठूलो कारबाही गरेपछि पलवल अहिले वेश्यावृत्तिको ठूलो अड्डा बनेको पनि प्रमाणित भएको छ । प्रहरी स्रोतका अनुसार पलवल सहरमा मात्रै ६४ स्पा सेन्टर सञ्चालनमा रहेका छन् ।जिल्लाभरका १ सय १० स्पा सेन्टर छानबिनमा परेको प्रहरी बताउँछ । प्रहरी स्रोतका अनुसार पछिल्लो एक वर्षमा जिल्लाका खुला स्पा सेन्टरमा मसाजको नाममा करिब एक हजार युवती तथा महिलाले वेश्यावृत्ति गरिरहेका छन् ।
दिल्ली–एनसीआरको फरीदाबाद, गुरुग्राम र नोएडा जस्ता महानगरहरूको तुलनामा ३० प्रतिशत जनसंख्या भएको पलवलमा स्पा सेन्टर र वेश्यावृत्ति खुल्नु आफैमा चिन्ताको विषय बन्दै गएको छ ।
पढ्ने युवती प्रहरीको कारबाहीमा परेस्पा
सेन्टरमा कारबाही गर्दा प्रहरीले पक्राउ गरेका अधिकांश युवती कलेजका छात्रा हुन् । यसबाहेक घरबाट फरीदाबाद र दिल्ली काम गर्न जाने युवती पनि पर्छन् । यस कारबाहीमा सबैभन्दा डरलाग्दो के कुरा बाहिर आयो भने पक्राउ परेका युवतीहरु अधिकांश ग्रामीण क्षेत्रका हुन् ।
वेश्यावृत्ति चलिरहेको छ।
स्रोतका अनुसार पलवलमा स्पा सेन्टर मात्र नभई सहरका विभिन्न स्थानमा वेश्यावृत्तिको कारोबार धमाधम चलिरहेको छ । पलवलको अजल बाली नगर क्याम्प, मोहन नगर, इस्लामावाद, अलीगढ रोडमा रहेको रेलवे लाइनको पुलको छेउमा र केही पोश क्षेत्रमा पनि महिला तथा युवतीहरूले वेश्यावृत्तिको व्यापार गरिरहेका छन् ।यसबाहेक जिल्लामा खुलेका कतिपय ओयो होटलमा पनि ग्राहकको मागमा युवती तथा महिलालाई वेश्यावृत्तिका लागि ल्याउने गरिएको छ ।
प्रहरी उपरीक्षकले दिए स्पा सेन्टरलाई कारबाही गर्न निर्देशनप्रहरी कारबाहीमा यति ठूलो संख्यामा पक्राउ परेपछि प्रहरी उपरीक्षक राजेश दुग्गलले जिल्लामा जहाँ जहाँ स्पा सेन्टर चलिरहेका छन्, ती सबैको छानबिन गरी कारबाही गर्न सबै डिएसपी र एसएचओलाई निर्देशन दिएका छन् । निर्देशन अनुसार जहाँ युवतीले मसाज गरेको पाइन्छ, कारबाही गर्नुपर्छ ।