जल तथा मौसम विज्ञान विभाग अन्तर्गत बाढी पूर्वानुमान महाशाखाले आज काठमाडौँ लगायत देशका विभिन्न स्थानमा बाढीको खतरा रहेको जनाएको छ ।
महाशाखाले गरेको आज बिहानको पूर्वानुमान अनुसार कोशी, नारायणी, कर्णाली, महाकाली र यसका सहायक नदीमा बहाव स्थिर अवस्थामा रहेको र सतर्कता तह भन्दा तल नै रहेको छ ।
महाशाखाले आज दिउँसो नारायणी, कर्णाली, महाकाली र यसका सहायक नदीमा बहाव सामान्य घटबढ हुने, कोशी र यसका ससाना सहायक नदीमा बहाव बढ्ने जानकारी गराएको छ । केही साना नदीमा अकस्मात् बहाव बढ्न सक्ने र सतर्कता तह आसपास पुग्न सक्ने पूर्वानुमानमा उल्लेख छ ।
आज प्रदेश १ को इलाम, झापा, मोरङ, सुनसरी, उदयपुर, ओखलढुंगा, धनकुटा, ताप्लेजुङ, संखुवासभा ।
प्रदेश २ को बारा, धनुषा, सिराहा, सप्तरी ।
बागमती प्रदेशको रसुवा, सिन्धुपाल्चोक, दोलखा, रामेछाप, नुवाकोट, धादिङ, चितवन, मकवानपुर, काठमाडौँ, सिन्धुली ।
गण्डकी प्रदेशको गोरखा, लमजुङ, तनहुँ, म्याग्दी, बागलुङ, परासी ।
लुम्बिनी प्रदेशको नवलपुर, गुल्मी, पाल्पा, दाङ ।
कर्णाली प्रदेशको जाजरकोट, दैलेख, कालिकोट, सल्यान, सुर्खेत, डोल्पा र आसपास जिल्ला भई बहने ससाना नदी जलाधारमा बहाव बढ्ने र आकस्मिक बाढी आउन सक्ने भएकाले महाशाखाले सतर्कता अपनाउन अनुरोध गरेको छ ।