ललितपुरको धोबिघाटस्थित एउटा कवाडी गोदाममा लागेको आगो करिब डेढ घन्टामा नियन्त्रणमा आएको छ।ललितपुर महानगरपालिका-३ धोबिघाट, बागडोलस्थित।
प्रकाश खत्रीको जग्गा भाडामा लिएर बच्चा साहले सञ्चालन गरेको कागतको कवाडी गोदाममा बुधबार दिउँसो १२:५५ बजे आगो लागेको थियो।करेन्ट सर्ट भएर लागेको आगो नियन्त्रणका लागि ललितपुरका २, काठमाडौं र भक्तपुरका १-१ वटा दमकल तथा ५ वटा पानी ट्याङ्करलाई करिब डेढ घन्टा लागेको थियो।
आगलागीमा परि २ भारतीयसहित ३ जना घाइते भएका छन्। जसमध्ये भारत घर भएका ६५ वर्षिय शिवनारायण पोदार गम्भीर घाइते भएका छन्। उनको पुरै शरीर जलेको प्रहरीले जनाएको छ।
यस्तै भारतकै ४५ वर्षिय राम आशिष साह र चितवनका ३० वर्षिय गणेश गुरूङको शरीर आंशिक जलेको छ।तीनै जना घाइतेलाई स्टार अस्पताल सानेमा उपचार हुन नसकेपछि कीर्तिपुर अस्पताल पठाइएको प्रहरीले जनाएको छ।