इँटा बोकेको ट्रक मुग्लिन नजिकै त्रिशूली नदीमा खसेको छ । इच्छाकामना गाउँपालिका–५ स्थित नाग्दी खोला भन्ने ठाउँबाट शनिबार बिहान ९ बजे ट्रक खसेको हो ।
जिल्ला प्रहरी कार्यालय चितवनले दुर्घटनाबारे थप जानकारी आउन नसकेको जानकारी गराएको छ ।चितवनका प्रहरी प्रमुख, प्रहरी उपरीक्षक (एसपी) नवराज अधिकारीका अनुसार त्रिशूलीमा ट्रकको केही भागमात्रै देखिएको छ ।
अहिले मुग्लिनबाट प्रहरी टोली घटनास्थल पुगेको छ ।ट्रकमा कति जना सवार थिए, अवस्था के छ भन्ने खुल्न सकेको छैन् । ट्रक नदीमा डुबेकोले नम्बर र कतिजना सवार थिए भन्ने जानकारी आइसकेको छैन् ।