काठमाडौंको कोटेश्वरमा एक सार्वजनिक सवारी तोडफोड भएको छ। महानगर यातायातको बा ४ च ९३९४ नम्बरको बस तोडफोड भएको हो।
कोटेश्वरबाट बालकुमारी तर्फ जाँदै गरेको उक्त बसमाथि राष्ट्रिय बाणिज्य बैंक अगाडि गाडीमा ढुङ्गा प्रहार गरिएको प्रहरीले जनाएको छ। आज बिहान साढे ६ बजे ५ जनाको समूहले एक्कासि आएर ढुङ्गा प्रहार गरी भागेका थिए।
आज चार कम्युनिष्ट पार्टीको संयुक्त मोर्चाले नेपाल बन्दको आह्वान गरेका छन्।