राजधानी काठमाडौंको मुल सडकको अग्लो रुखमा एक जना युवा झुण्डिएको अवस्थामा फेला परेका छन् ।काठमाडौंको तारकेश्वर नगरपालिका ढकाल ड्राइभिङ।
अगाडिको रुखमा युवा झुण्डिएको अवस्थामा देखिएको हो ।अहिले प्रहरी घटनास्थल पुगेको छ । त्यहाँ रुखबाट शवलाई निकाल्ने प्रयास भइरहेको छ । तल निकालेपछि मात्र मृतक युवा को हुन् भन्ने पहिचान खुल्नेछ ।
अहिले प्रहरीले शव निकाल्ने काम गरिरहेको छ । वरिपरि मानिसहरुको भीड लागेको छ ।
यो पनि पढ्नुहोस्। देशभर भारी बर्षा भइरहेको छ । जुनसुकै नदीमा उच्च बाढी आइरहेको छ ।यही बेला भारतले धारचुलाको धौलीगंगा जलविद्युत परियोजनाको बाँधको ढोका खोलिदिएको छ । बाँधको ढोका खोल्दा महाकाली नदीमा बाढीको सतह उच्च बनेको छ ।
तटीय क्षेत्रका बासिन्दालाई सतर्कता अपनाउन जिल्ला प्रशासन कार्यालय दार्चुलाले सूचना जारी गरेको छ । अहिले खोला किनारका बजारहरुमा माइकिङ्ग भइरहेको छ ।
भारतको पिथौरागढस्थित धौलीगंगा पावर स्टेशनले आज बिहान ५ बजेदेखि बेलुकी ८ बजेसम्म बाँधको ढोका खोलिने जानकारी दिन जिल्ला प्रशासन कार्यालय दार्चुलालाई पत्र पठाएको थियो ।
पत्रमा लेखिएअनुसार विद्युत परियोजनाको ड्याम साइटमा सिल्ट फ्लशिङ्ग हुने र सो कामका लागि आज बेलुकी ८ बजेसम्म बाँधको ढोका खोलिने उल्लेख छ ।
त्यसैले जिल्ला प्रशासन कार्यालयले सार्वजनिक सूचना जारी गर्दै बाँधको ढोका खोलिंदा जलसतह बढ्ने र क्षति पुग्न सक्ने हुँदा तटीय क्षेत्रका बासिन्दालाई सतर्कता अपनाउन भनेको हो ।