काठमाडौँ । साताको तेस्रो दिन (आज) मंगलबार पनि नेपाली बजारमा सुनको भाउ ओरालो नै लागेको छ । सुनचाँदी बजारमा आज छापावाल सुनको मूल्य प्रतितोला रु १००० रुपैयाँले घटेर रु ९७ हजार २०० तोकिएको छ ।
पहेंलो धातु अघिल्लो दिन प्रतितोला रु ९८ हजार २०० रुपैयाँमा कारोबार भएको थियो ।नेपाल सुनचाँदी व्यवसायी महासङ्घले सार्वजनिक गरेको विवरणानुसार आज तेजाबी सुनको मूल्य प्रतितोला रु ९६ हजार ७०० तोकिएको छ ।यसको मूल्य अघिल्लो दिन प्रतितोला रु ९७ हजार २०० थियो ।