धादिङकाे थाक्रे गाउँपालिका-७ जुंगेखोलामा आज यात्रुवाहक बस दुर्घटना हुुँदा १५ जना घाइते भएका छन् ।काठमाण्डौबाट धादिङबेसीतर्फ आउँदै गरेको बा ४ ख ७४ नम्बरको ग्रामीण यातायातको बस सडकमा पल्टिएकाे हाे ।
घाइतेमध्ये तीन जनाको अवस्था गम्भीर रहेकाे प्रहरीले जनाएकाे छ । अन्यको अवस्था सामान्य रहेकाे र उनीलाई शिवदर्शन अस्पताल धार्केमा उपचारका लागि पठाइएकाे जिल्ला प्रहरी कार्यालयका प्रहरी नायब उपरीक्षक जागेश्वर भण्डारीले जानकारी दिनुभयो ।
गम्भीर घाइते भएकालाई प्राथमिक उपचारपछि काठमाण्डौकाे ट्रमा सेन्टरमा पठाइएकाे छ ।