कमेडी च्याम्पियन सिजन २’ का फाइनलिस्ट भरतमणि पौडेल ताप्लेजुङ पुगेका छन् । प्रतियोगिताको फाइनलमा पुगेसंगै उनी भोट अपिलका लागि जन्मस्थान ताप्लेजुङ पुगेका हुन् । आज कुशे औँशी, अर्थात् बुबाको मुख हेर्ने दिन पारेर उनी जन्मघर पुगेका हुन् ।
उनलाई ताप्लेजुङमा नौमती बाजा, च्याब्रुङ नाच, सयौंको संख्यामा बाइक र्याली सहित स्वागत गरिएको हेमराज निरौलाले न्युजपोलारलाई बताए । बुबाको मुख हेर्ने दिन पारेर जन्मघर पुगेका उनी आफ्ना बुबा आमासंग भट्ने क्रममा निकै भावुक बनेको पनि निरौलाले न्युजपोलारलाई बताए ।
निरौलाका अनुसार भरतमणि पौडेलले भोट माग्दै गर्दा आफु अहिलेको अवस्थामा पुग्नुको सम्पुर्ण श्रेय दर्शकहरुलाई र आफ्ना शुभचिन्तकहरुलाई दिएका थिए । उनले बोल्दै प्रतियोगिताको उपाधी आफुले जिते ताप्लेजुङका लागि पनि सहयोग गर्ने जनाएको निरौलाले न्युजपोलारलाई जानकारी दिए ।
भरतमणि कमेडी च्याम्पियन सिजन २ का सुरुवातदेखि नै निकै चर्चामा आएका कमेडियन हुन् । एमाले नेता गोकुल बास्कोटाको मिमिक्री गरेर चर्चामा आएका उनले पछिल्लो श्रीङ्खलामा पूर्वयुवराज पारस शाहको गेटअपमा आफ्नो प्रस्तुति दिएपछि झनै चर्चामा आए ।
उनको सो प्रस्तुतीलाई सम्पुर्ण दर्शकहरुले मन पराएका कारण भिडियोको ट्रेलर मात्रै पनि युट्युबको ट्रेन्डिङको १४ नम्बरमा पर्न सफल भएको थियो । भरतमणिले पूर्वराजा ज्ञानेन्द्र शाह, लोसपा नेता राजेन्द्र महतोको मिमिक्री पनि हुबहु गर्ने गरेका छन्।
हेर्नुहोस भिडियो