काठमाडौं । पछिल्लो समय प्रोड्युसर मधु मंटेनाको ‘रामायण’लाई लिएर निकै चर्चा भइरहेको छ । जानकारी अनुसार यो फिल्ममा अभिनेता ऋतिक रोशनले रावणको भूमिका निभाउने भएका छन् ।
त्यस्तै, अभिनेत्री दीपिका पादुकोणले फिमेल लिड निभाउने चर्चा भइरहेको छ । तर, यसबारे हालसम्म कुनै पनि आधिकारिक घोषणा भने गरिएको छैन ।रामायणमा कसले गर्दैछ ऋतिक रोशनको कस्ट्युम डिजाइन ?
यस फिल्ममा ऋतिक रोशनको कस्ट्युम डिजाइनका लागि मेकर्सले यूएस बेस्ड कस्ट्युमको टिमसँग कुराकानी गरिरहेको छ ।
यस कस्ट्युम टिमले हलिउड साइन्स फिक्शन फिल्म अवतारको लागि कस्ट्युम डिजाइन गरेको थियो । यो फाइनल भएमा माइथोलोजिकल ड्रामा ‘रामायण’मा ऋतिकको भूमिकाको लागि यस टिमले कस्ट्युम डिजाइन गर्नेछ ।
चर्चामा ‘रामायण’को बजेट
फिल्मको कुरा गर्नुपर्दा यो एक लाइभ–एक्शन ट्राइलोजी हुनेछ, जसलाई थ्रीडीमा सुट गरिनेछ । यो फिल्मलाई हिन्दी, तमिल, तेलेगुलगायतको भाषामा रिलिज गरिनेछ । यस फिल्मको बजेट ५०० करोड भारु रहेको बताइएको छ । फिल्मलाई अल्लु अरविन्द, नामित मल्होत्रा र मधु मंटेनाले निर्माण गर्न लागेका हुन् ।