टिप्परले ठक्कर दिदा नुवाकोट विदुरमा एक पुरुषको निधन भएको छ । शनिबार दिउँसो १४:१५ बजे विदुर नगरपालिका वडा नम्बर १० वेत्रावती नजिकै सो दुर्घटना भएको हो । जिल्ला प्रहरी कार्यालय नुवाकोटको अनुसार बा.४ ख.४३४२ नम्बरको टिप्परले रसुवा जिल्ला उत्तरगया गाउँपालिका-१ गोगनेका वर्ष ३७ को कामी तामाङलाई ठक्कर दिएको थियोे ।
गाडी ब्याक गर्ने क्रममा गम्भीर घाइते तामाङको उपचारका लागि त्रिशुली अस्पताल लैजादै गर्दा बाटोमै मृत्यु भएको प्रहरीले जनाएको छ । घटना पश्चात् स्थानीयको भीड नियन्त्रण गरी चालक वर्ष ३१ का सन्दीप तामाङलाई प्रहरीले नियन्त्रणमा लिई थप अनुसन्धान अगाडि बढाइएको बताइएको छ।