मुग्लिन नारायणगढ सडक खण्डमा सवारी दुर्घटना भएको छ । आज (शनिबार) दिउँसो पौने तीन बजे भतेरी जंगलमा बिरगन्जबाट काठमाण्डौ तर्फ गई रहेको बा३ख ९६७९ नम्बरको बस र बिपरित दिशाबाट
आई रहेको ना६ख ५८६६ नम्बरको ट्रक एक आपसमा ठोक्किँदा दुबै सावारी साधनमा सवार चालक सहित ११ जना घाईते भएका छन् ।
बसमा सवार १० जना घाइतेको उपचारका लागि पुरानो मेडिकल कलेजमा पठाईएको जिल्ला प्रहरी कार्यालय चितवनले जानकारी दिएको छ । गम्भीर अवस्थामा रहेका ट्रक चालकको सरकारी अस्पतालमा उपचार भइरहेको छ ।
उक्त स्थानमा खटिएको प्रहरी टोलीले क्रेनको मद्दतले दुबै सवारी साधनलाई सडकबाट हटाई बाटो सुचारु गरिएको प्रहरीले जनाएको छ ।